Wednesday, August 29, 2012

ප්‍රචණ්ඩත්වය... නීතියට එහා ගිය යමක්....

Posted by at 12:08 AM

ප්‍රචණ්ඩත්වය... මේ දවස් වල රටේ හැම තැනම කතා බහ වෙන මාතෘකාවක්. හැම දවසකම ප්‍රචණ්ඩ ක්‍රියා දෙක තුනක් වාර්තා වෙනවා. ප්‍රචණ්ඩත්වය දවසින් දවස වර්ධනය වෙන්නේ ඇයි කියන එක සමාජ විද්‍යාත්මක ගවේශණයන්ට ලක්වියයුතු මාතෘකාවක්. නමුත් ප්‍රචණ්ඩත්වය සමග බැී තිබෙන මනෝවිද්‍යාත්මක තත්වය ගැන පුංචි විමසීමක් කිරීම කාලෝචිතයි කියලා හිතනවා. අද ප්‍රදීප්ගේ පිටුව වෙන් වෙන්නේ ඒ වෙනුවෙන්.

සමහර කාල වලදි සැකකරුවන්ට, ඔත්තුකරුවන්ට සහ දේශපාලන සිරකරුවන්ට එරෙහි ප්‍රචණ්ඩත්වය සමාජයන් තුල සාධාරණිකරණයට ලක් වුනා. නමුත් මේ වෙනකොට ලෝකය සියළු ආකාරයේ ප්‍රචණ්ඩත්වය හෙලා දකිනවා. එක්සත් ජාතින්ගේ මානව හිමිකම් පිලිබ විශ්ව ප්‍රකාශනය මේ විදියට කියනවා.

පූර්විකාව - "මානව අයිතිවාසිකම් නොතැකිමේ හා අවඥාවට ලක් කිරීමේ ප්‍රතිඵලයක් වශයෙන් මිනිස් වර්ගයාගේ හෘදය සාක්ෂිය සාහසික පීඩනයට භාජනය කෙරෙන මිලේච්ඡ කෲරකම් සිදුවී ඇති හෙයින්ද,...."

5 වන වගන්තිය - "කිසිම කෙනෙකු වධයට, කුරිරු අමානුෂික දඬුවමකට හෝ හිරිහැරයකට හෝ එවැනි නින්දාවකට හෝ පත් නොකල යුතුය."


 
ප්‍රචණ්ඩත්වය කියන්නේ මොකක්ද?

“ Any act of which severe pain or suffering, whether physical or mental, is intentionally inflicted on a person for such purposes as obtaining from him or third person, information or a confession, punishing him for an act he or a third person has committed or is suspected of having committed, or intimidating or coercing him or a third person, or for any reason based on discrimination of any kind, when such pain or suffering is inflicted by or at the instigation of or with the consent or acquiescence of a public official or other person acting in an official capacity. It does not include pain or suffering arising only from inherent in or incidental to lawful sanction”

යමක් ලබාගැනීම, දඬුවම් කිරීම, අවමානයට ලක් කිරීම වැනි අරමුණක් ඉටු කරගැනීම සඳහා යම් පුද්ගලයෙකු (පුද්ගලයන්) කායික හෝ මානසික වශයෙන් වේදනාවට පත් කිරීම ප්‍රචණ්ඩත්වය ලෙස හැඳින්වේ. නීත්‍යානුකූල වශයෙන් යම් පුද්ගලයකුට දෙනු ලබන දඬුවමකදී විඳින යම් වේදනාවක් වෙතොත් එය ප්‍රචණ්ඩත්වය යටතට ගණන් ගනු නොලැබේ.
-         ප්‍රචණ්ඩත්වයට එරෙහි එක්සත් ජාතින්ගේ සම්මුතිය (1984)



විවිධාකාරයේ ප්‍රචණ්ඩ ක්‍රියා රාශියක් තියෙනවා. මේ එයින් කිහිපයක්.
  •  කායික ප්‍රචණ්ඩත්වය
  • මානසික ප්‍රචණ්ඩත්වය
  • ලිංගික ප්‍රචණ්ඩත්වය
  • ගෘහස්ථ ප්‍රචණ්ඩත්වය
  • සයිබර් ප්‍රචණ්ඩත්වය (පරිගණක පද්ධති වලට හානි පැමිණවීම ආදිය)
  • සන්නිවේදනය ආශ්‍රිත ප්‍රචණ්ඩත්වය (දුරකථන ඔස්සේ තර්ජනය කිරීමේ සිට මාධ්‍ය පදනම් කරගත් අපහාස කිරීම් දක්වා)
  • පාසල් ආශ්‍රිත ප්‍රචණ්ඩත්වය (දරුවන්ට කරනු ලබන හිංසා ආදිය)
  • දේශපාලන ප්‍රචණ්ඩත්වය
  • ආර්ථික ප්‍රචණ්ඩත්වය

ප්‍රචණ්ඩත්වය එහෙමත් නැත්නම් වදහිංසා පැමිණවීම පිලිබ සොයාබලද්දි පාර්ශව දෙකක් ගැන විමසා බලන්න සිදු වෙනවා. පළමු කාණ්ඩය තමයි වින්දිතයන් (Victim). අනෙක් කොටස තමයි "වධකයා" (perpetrator)



යම් ප්‍රචණ්ඩ ක්‍රියාවකට භාජනය වුන කෙනෙකුට මේ විදියේ ගැටළු ඇති වෙන්න පුළුවන්. විශේෂයෙන්ම දරුවන් මේ ලක්ෂණ පෙන්නුම් කිරීමේ වැඩි හැකියාවක් තියෙනවා.

  • තමන් මුහුණ දුන් අප්‍රසන්න අත්දැකීම නැවත නැවත මානසිකව අත්විීම. (Re-experience the traumatic experience) නින්දේදී සිහින විදියට මෙන්ම දිවා කාලයේ අවදියෙන් සිටින විට අතීතාවර්ජන (Flash backs) විදියටත් ඒ අත්දැකීම දැනෙන්න පුළුවන්.
  • එම අත්දැකීම හා සම්බන්ධ දේවල් වලින් හා ස්ථාන මගහැරීමට උත්සාහ කිරීම. (Avoidance behavior).
  •  අධි අවධිමත් බව. (Hyper-arousal)සුළු සිද්ධියකින් පවා කම්පනයට පත් වීම. උදාහරණ: නින්දේදී සුළු ශබ්දයකටත් බිය වී අවදි වීම.
  •  විශාදයේ ලක්ෂණ පෙන්වීම. (Symptoms of Depression)
  • ආත්ම සංකල්පය බි වැටීම. (Damage self concept) තමන් පිලිබඳ තමන් තුල තිබූ ගෞරවය හා අභිමානය බිඳවැටීම. තමන් අපිරිසිදු/ වටිනාකමක් නොමැති අයෙකු ලෙස හැඟීම.
  • කායික වේදනා ඇතිවීම. (Somatic complains) වෛද්‍යමය වශයෙන් විස්තර කළ නෙහැකි කායික රෝග ලක්ෂණ ඇතිවීම.
  • ලිංගික දුර්වලතා ඇති වීම. (Sexual dysfunction) විශේෂයෙන්ම ලිංගික හිංසනයට ලක් වූවන් අතර මේ තත්වය සුලබව දැකගන්න පුළුවන්. පොදුවේ ඕනෑම ආකාරයේ හිංසනයන්ට ගොදුරු වූවන්ට මේ තත්වය ඇති වෙන්න හැකියාවක් තියෙනවා.
  •  මත්ද්‍රව්‍ය වලට ඇබ්බැහි වීම. (Substance abuse)
  •  මානසික රෝග වලට ගොදුරු වීම. (Psychosis) විශේෂයෙන්ම භ්‍රාන්තිය (hallucination) වගේ සයිකෝසීය ලක්ෂණ පෙන්නුම් කරන්නන්ගෙන් බහුතරයක් අප්‍රසන්න අත්දැකීම් වලට මුහුණ දුන් අය බව සොයාගෙන තියෙනවා.
  •  සම්බන්ධතා වල ගැටළු ඇති වීම. සමීප සම්බන්ධතා, පවුල් සම්බන්ධතා සහ සමාජ සම්බන්ධතා බි වැටීම මේ නිසා සිදු වෙන්න පුළුවන්.
මේ බලපෑම් කෙටි කාලීනව වගේම දිගු කාලීනවත් ඇති වෙන්න පුළුවන්. සමහර විට ප්‍රචණ්ඩත්වයට භාජනය වෙන පුද්ගලයා සිය දිවි නසාගැනීමට පවා මේ ගැටළු හේතු වෙන්න පුළුවන්. ඒ නිසා ප්‍රචණ්ඩත්වයට එරෙහිව නීතිමය කටයුතු කරනවා වගේම මේ ආකාරයේ ගැටළු හුනාගැනීමත් සහය ලබා දීමත් අත්‍යාවශ්‍ය වෙනවා.



අපි වධකයා දෙසට හැරුණොත් ඔහු ඒ හිංසාව සිදු කරන්නේ යම් කිසි අභිප්‍රේරණයක් (Motivation) නිසා. ඒ අභිප්‍රේරණය යමක් ලබා ගැනීම, බිය වැද්දීම, දුවම් කිරීම වගේ ඕනෑම දෙයක් වෙන්න පුළුවන්. 

ඒ වගේම ඔහු/ ඇය යම් හිංසාවක් සිදු කරනු ලබන්නේ ප්‍රතිරෝධයන් වලට එරෙහිවයි. 

  • අභ්‍යන්තර ප්‍රතිරෝධය - හෘදය සාක්ෂිය
  • බාහිර ප්‍රතිරෝධය - නීතිය, සාරධර්ම, සමාජ පිලිගැනීම් හා විශ්වාස
  • වින්දිතයාගේ ප්‍රතිරෝධය - වින්දිතයා විසින් ඇති කරනු ලබන ප්‍රතිරෝධයයි.


මෙවැනි අපරාධ සිදුකරන්නන් සතු පොදු ගුණාංග කිහිපයක් තියෙනවා.

  • මත්පැන් පානය (Alcoholism)
  • ප්‍රචණ්ඩකාරී ස්වභාවය (Aggression)
  • හීනමානයෙන් පෙලීම (Feelings of inadequacy)
  • තනිකම (Feelings of isolation)
  • ළමා කාලයේදී දෙමාපියන් අතර අදබර අත්වි තිබීම (Family violence)
  • ලිංගික අපගමන (පරපීඩා කාමුකත්වය වැනි...) (Deviant sexuality)
  • දුර්වල අන්තර් පුද්ගල සම්බන්ධතා (Poor interpersonal relationships)
  • ආවේග පාලනය කරගැනීමේ නොහැකියාව (Poor impulse control)

මෙම ලක්ෂණ සහිත පුද්ගලයන් බොහෝ දුරට හිංසකයන් එහෙමත් නැත්නම් වධකයන් වෙන්න අවදානමක් තියෙනවා. නමුත් හැම කෙනෙක්ම එහෙම නොවෙන්නත් පුළුවන්. සමහර අය ළමා කාලයේදීම ප්‍රචණ්ඩ ලක්ෂණ පෙන්නුම් කරනවා. ලෝකයේ සමහර රටවල මෙවැනි අවදානම් ලක්ෂණ ප්‍රබලව පෙන්නුම් කරන අය ආරක්ෂිත ස්ථාන වල රවලා තියන්න අවශ්‍ය නීති සම්පාදනය කරලා තියෙනවා. නමුත් අපේ රටේ බොහොමයක් වෙලාවට සිද්ධ වෙන්නේ ඒකෙ අනිත් පැත්ත.



වධකයන් නැවත සමාජගත කිරීම දීර්ඝ කාලීන පුනරුත්ථාපන ක්‍රියාවලියක් සමග සිදු විය යුත්තක්. නමුත් බොහොමයක් වෙලාවට වෙන්නේ එවැනි ප්‍රචණ්ඩ ක්‍රියා කරපු අය සති කිහිපයකින් නැවත සමාජගත වෙන එක. ඔවුන්ට තවත් වාසියක් තමයි අපරාධ වින්දිතයන් ඔවුන්ට එරෙහිව කටයුතු නොකිරීම. බිය නිසා හරි මුදල් නිසා හරි ගොඩක් වෙලාවට වින්දිතයන් නීතිමය කටයුතු වලට යොමු වෙනවා අඩුයි. ඒ නිසා වින්දිතයන්ට නීතිමය පියවර ගැනීමට සහ සෞඛ්‍ය සහය ලබාගැනීමට අවශ්‍ය සහයෝගය ලබා දීම සමාජයේ පුරවැසියන් සතු යුතුකමක් වෙනවා.

ඒ වගේම ප්‍රචණ්ඩත්වය මුදාහරින අයට අවශ්‍ය මනෝවිද්‍යාත්මක සහය ලබාගැනීමට ඔවුන් යොමු කිරීමත් වැදගත්. ඒ සහා පහසුවෙන්ම කටයුතු කරන්න පුළුවන් වින්දිතයන්ට සහ පවුලේ සාමාජිකයන්ට. ඔවුන් වධකයන් කියලා කොන් කරන්නෙ නැතුව ඔවුන්ට අවශ්‍ය මනෝචිකිත්සාමය සහය ලබාගැනීමට අවශ්‍ය සහය ලබා දිමෙන් සමාජ ගැටළු යම් ප්‍රමාණයකින් අඩු කරගන්න පුළුවන්. විශේෂයෙන්ම අන් අයට අසාමාන්‍ය විදියට හිංසා කරන දරුවන් ගැන හො අවධානයක් යොමු කිරීමෙන් අනාගතයේදී බරපතල අපරාධ වලක්වාගන්න පුළුවන්කමක් ලැබෙනවා.





එහෙනම් ගිහින් එන්නම්. බ්ලොග් අවකාශයේමිතුරෝ සමාජ සත්කාර වැඩසටහනට තව තියෙන්නේ මාසෙකටත් වඩා අඩු කාලයක්. හැම කෙනෙක්ගෙම සහය ලැබෙයි කියලා බලාපොරොත්තු වෙනවා.

Friday, August 24, 2012

හිර ගෙදර විස්තර

Posted by at 12:19 AM

පළමු වරට මා මගේ පත්වීම ලබා සේවයට පැමිණි පසුව විවිධාකාරයේ සිර කවුරු වල අත්දැකීම් ලබන්නටත්, දෙවන වරට විශ්වවිද්‍යාලයේ පාඨමාලාවක් වෙනුවෙන් වටරැක එළිමහන් කවුරේ දවසක් සිරබත් කන්නටත් සිදුවිය. අද ප්‍රදීප්ගේ පිටුව වෙන්වන්නේ එලෙස ලැබූ අත්දැකීම් කිහිපයක් වෙනුවෙනි. මේ ලිපිය ලියවෙන්නේ නාඩියා හිරේ යයි පෝස්ට් එක දැමූ හරිත මල්ලිගේ ඉල්ලීම නිසාය.



ලංකාවේ නීතිය අනුව සිරකරුවන් කොටස් දෙකකි. පළමු කණ්ඩායම රිමාන්ඩ් සිරකරුවන් වන අතර ඔවුන්ගේ නඩු තවම විභාග වෙමින් පවතී, නැතහොත් මෙතෙක් තීන්දුව ප්‍රකාශ කර නොමැත. සාමාන්‍ය තත්වය යටතේ පුද්ගලයකු රිමාන්ඩ් (රක්ෂිත බන්ධනාගාර) කළ හැක්කේ දින 14කටය. රිමාන්ඩ් සිරකරුවන් සති දෙකකට වරක් අදාල අධිකරණයේ විනිශ්චයකාරවරයා හමුවට ඉදිරිපත් කළ යුතුය. අනෙක් කණ්ඩායම සිරකරුවන්ය. ඔවුහු උසාවියකින් වැරදිකරුවකු/වැරදිකාරියක බවට පත්ව සිර දුවම් විිමින් සිටිති.

මෙරට ප්‍රධාන බන්ධනාගාර කිහිපයක් වෙයි. රිමාන්ඩ් සිරකරුවන් රවා තැබෙන ප්‍රධාන සිර කවුර වන්නේ කොළඹ රිමාන්ඩ් බන්ධනාගාරයයි. එමෙන්ම වැලිකඩ, බෝගම්බර හා මහර ඇතුළු බන්ධනාගාර වල සිරකරුවන් රවා තැබේ. බරපතල වැරදි සහා පළමු වරට සිරගත වන්නන් බොහෝවිට රවා තැබෙන්නේ වැලිකඩ බන්ධනාගාරයේය. දෙවන සහ තුන්වන වරට සිරගත වන්නන් බෝගම්බර රවා තැබේ.



මරණීය දණ්ඩනය නියම වූ සිරකරුවන් රවා තැබෙන්නේ වැලිකඩ සහ බෝගම්බරය. මේවාට අමතරව එළිමහන් සිරකවුරු, තරුණ වරදකරුවන්ගේ විශෝධන මධ්‍යස්ථාන සහ සහතික කළ පාසල් ආදී විශේෂිත බන්ධනාගාර ද බන්ධනාගාර දෙපාර්තමේන්තුව යටතේ පාලනය වේ. (සංඛ්‍යාත්මක දත්ත මෙතනින්)

බන්ධනාගාර වල පැරණි බව සහ සිරකරුවන් සංඛ්‍යාව වැඩිවීම නිසා ඔවුන්ට ලැබෙනුයේ අවම පහසුකම් ප්‍රමාණයකි. සිරකරුවන්ගේ පෞද්ගලිකත්වය ආරක්ෂා වීම අඩුය. එහෙත් බන්ධනාගාරය යනු වෙනමම සමාජ පද්ධතියකි. සිරකරුවන් අතරින් වැඩි බලය සහිත පුද්ගලයන් එම කණ්ඩායමේ නායකත්වය දරන අතර වැඩි පහසුකම් භුක්ති විදිති. බොහෝවිට බලය තීරණය වන්නේ මුදල් මතය. සිරකරුවන්ගෙන් අතිශය බහුතරයක් මත්ද්‍රව්‍ය භාවිතා කරති. ඒ නිසා මත්ද්‍රව්‍ය වලට සිරගෙවල් වල විශාල ඉල්ලුමක් ඇත. එහෙත් ඒ සහා විශාල මිලක් ගෙවීමට සිදුවේ. 



එලෙස මත්ද්‍රව්‍ය (විශේෂයෙන් දුම්වැටි) සපයාගැනීමට නොහැකි වන්නන් ඒ සහා විකල්ප භාවිතා කරති. එක් ක්‍රමයක් වන්නේ පත්තර කඩදාසි බීඩි ඔතන ආකාරයට ඔතා දුම්පානය කිරීමයි. ඇතැම් අය කොහෙන් හෝ හොයාගත් දුම්කොල කැබැල්ලක් මෙම බීඩියට එකතු කරගනිති. මෙලෙස සකස් කර ගන්නා දුම්වැටි හුන්වන්නේ "ලෝකල්" යන නමිනි.
සමහර රැවියන්ගේ පවුල් වල සාමාජිකයන් මෙවැනි ද්‍රව්‍ය (බීඩි, බුලත්විට ආදිය) රැගෙන එති. එලෙස රැගෙන එන දේ සිරකරුවා අතට පත් වුවහොත් ඔහු ධනවතෙකි. ඔහු ඒවා විශාල මුදලකට විකුණති. ඇතැම් අවස්ථාවල බීඩියක් වෙනුවෙන් තමන්ගේ කමිසය, තුවාය පවා හුවමාරු කරගැනීමට තරම් අවශ්‍යතාවය බලවත්ය. බොහෝවිට රිමාන්ඩ් සිරකරුවන් ඇුම් හුවමාරු කරගෙන අිති. නැතහොත් බලය ඇති තැනැත්තා විසින් එම ඇුම් ආදිය සොරකම් කරනු ලබයි.

එළිමහන් සිරකවුරු වල වෙසෙන සිරකරුවන් "ලෝකල්"හා පාවිච්චි කරන ද්‍රව්‍ය ඇතැම් අවස්ථා වල වෙනස් වේ. හා බෙටි කුඩුකරන ලබ පැරසිටමෝල් සමග කළවම් කොට ඒවා පිළිස්සීමෙන් එන දුම ඔවුහු ආඝ්‍රාණය කරති. විවිධ ආබාධ ඇති බව පෙන්වමින් සිරකවුරේ වෛද්‍ය මධ්‍යස්ථානයෙන් පැරසිටමෝල් ලබාගැනීමට ඔවුහු දක්ෂයෝ වෙති. එවැනි විකල්ප රාශියකි.



සිරගෙදර වෙනමම කලාවක් ඇත. මහත්මා ගාන්ධිගේ සිට රෝහණ විජේවීර දක්වා දේශපාලන නායකයන් තම නිර්මාණ බොහොමයක් බිහි කලේ සිරගෙවල් වලදීය. සිර කවුරු වලට ආවේනික වූ කවි ආදිය රචනා වී ඇත.

"තට්ටු තුනයි බෝගම්බර හිරගෙද
බිත්ති වලට සවි කරලා යකඩ දො
යුක්තිය අයුක්තිය විසන නඩුකා  
දැම්මයි මෙමා විසි අවුරුදු සිර බා  "

"පෝලිම් කියන කොට පෝලිමෙ යන්න           වුනා
මැනලා බෙදන බත් කොත්තුව කන්න     වුනා
මළකඩ පයිප්පේ වතුරත් බොන්න                   වුනා
සීතල පොළවෙ පිටදී නිදියන්න              වුනා"

සිරගෙදර පුද්ගලිකත්වය ආරක්ෂා වීම අවම වීම හේතුවෙන් ලෙඩ රෝග බෝ වීමේ අවදානම වැඩිය. අවම පහසුකම් සහිතව, ඉතා අඩු ඉඩක විශාල පිරිසක් රැී සිටින ස්ථාන වල පොදුවේ සිදුවන ආසාදන පැතිරයාම බන්ධනාගාර තුලද දැකිය හැකිය. 



සැම සිරකරුවකුටම තමන්ගේම කතාවක් තිබේ. තමන් සිරගත වූ කාරණය මෙන්ම ඊට පෙර අතීතය ගැනද සාකච්ඡා කිරීමට බොහෝ සිරකරුවන් කැමතිය. එම අපරාධය කිරීම සාධාරණද අසාධාරණද යන්න විනිශ්චය කිරීමට පවා ඇතැම් අවස්ථා වල අපහසු වේ.
මේ කතා දෙක කියවන්න.

"මහත්තයෝ මං අවුරුදු 56ක සීයා කෙනෙක්. මට දරුවො දෙන්නෙක් ඉන්නවා. මම හැමදාම හැන්දෑවට අරක්කු ටිකක් බොනවා. එක දවසක් මං එතන ඉද්දි පොලිසියෙන් පැන්නා. මුදලාලි කිව්වා මට අයිතිකාරයා විදියට පොලිසියට බාර වෙන්න කියලා. සති දෙකෙන් ඇප දීලා ගන්නවා කිව්වා. එදායින් පස්සෙ එයා ආවෙ නෑ. මම මාස තුනකට හිරේ ගියා"

"මට වයස 36යි. මේ මගෙ දෙවෙනි පාර. කුඩු වලටයි අහුවුනේ. මං දවසකට රුපියල් 1500ක විතර කුඩු බොනවා. අවුරුදු 18දි තමයි පටන්ගත්තේ. ඒ කාලෙ රුපියල් 40ට ගත්ත ඒවා දැන් ගන්න රුපියල් 600ක් විතර ඕන. මං රස්සාවක් කරන්නෙ නෑ. විකුණන පොට් එකේ ඉඳලා ඉල්ලන අයට කුඩු ගිහින් දීලා තමයි මම සල්ලි හොයාගන්නේ. දවසට රුපියල් 4000ක් විතර හොයනවා. එහෙම යද්දි තමයි මම අහුවුනේ. මේකට ඇබ්බැහි වුනොත් ඉවරයි මහත්තයා. මේක මහ හූනියම් බීමක්. මට බය මගෙ පුතා ගැන. අපේ වත්තෙ වමට හැරුණත් කුඩු, දකුණට හැරුණත් කුඩු. මං යද්දි ඌත් ඒවට ඇබ්බැහි වෙලා ඉඳියිද දන්නෙ නෑ"

සිරකරුවකුට අහිමි වන දේවල් කිහිපයකි.

01.                        නම - තම නම වෙනුවට අංකයක් හිමි වේ
02.                        ුම - ඇුම වෙනුවට ජම්පරය හිමි වේ
03.                        සමාජ තත්වය
04.                        සමාජ සම්බන්ධතා
05.                        තමන් කැමති දේවල්
06.                        ඉඩකඩ - හිමිවන්නේ අවම ඉඩකඩකි.



පුද්ගලයකු සිරගත වීමට හේතූ එකක් හෝ කිහිපයක් බලපෑ හැකිය. එහෙත් එම සිරකරුවා බිහිවන්නේ කාලයක් තිස්සේ පුද්ගලික, ආර්ථික, සමාජමය හා අධ්‍යාත්මික වශයෙන් සිදුවන විචලනයන්ගේ ප්‍රතිඵලයක් වශයෙනි. සිරකරුවකු බිහි වීම පිළිබව සමාජයටද යම් වගකීමක් තිබේ.

සාක්ෂරතාවය හා අවබෝධය සිරකරුවන්  බිහි වීම අවම කරවයි. එමෙන්ම සිරකරුවකුට නැවත සමාජගත වීමටද අයිතියක් සහ හැකියාවක් ඇත. ඒ සහා ඇතැම් විට යම් පුනරුත්ථාපන ක්‍රියාවලියක් සිදුකළ යුතුය. 

සෑම සිරකරුවෙකුම මනුශ්‍යයෙක් බවත් ඔහුව කොන් නොකළ යුතු බවත්, සිරකරුවන් බිහි වීම අවම කළ යුතු බවත් අප තේරුම් ගත යුතුය.

එහෙම නම් ගිහින් එන්නම්. බ්ලොග් අවකාශයේ මිතුරෝ සමාජ සත්කාර වැඩසටහනට හැම කෙනෙක්ගෙම දායකත්වය බලාපොරොත්තු වෙනවා. සුබ දවසක්...!

ප.ලි - මේ පෝස්ට් එක මීට මාසයකට පමණ පෙර වටරැක එළිමහන් සිරකවුරට ගිය දිනවල ලිවීමට පටන්ගත් පෝස්ට් එකකි. එහෙත් කාලයක් තිස්සේ ඇදි ඇදී තිබූ එය කොහොම හරි අවසන් කරන්නට හිතාගෙන මහ රෑ ලියන්නට ගොස් ලියා ඇත්තේ මාතෘකාවටත් මුල ඡේදයටත් නොගැලපෙන ආකෘතියකටය. එය නොබලාම රෑ 12.45ට පමණ පබ්ලිෂ්කළෙමි. මාතෘකාව සහ අන්තර්ගතය නොගැලපීට හේතුවෙන් ඔබට සිදුවූ අපහසුතාවය පිළිබඳව කණගාටුව පළ කරනු කැමැත්තෙමි. මාතෘකාව අන්තර්ගතයට ගැලපෙන පරිදි වෙනස් කළෙමි. මෙවන් වැරදි මින් ඉදිරියට සිදු නොවනු ඇත. එම අඩුපාඩුව පෙන්වා දුන් සැමට ස්තුතියි...!
© Pradeep's page (ප්‍රදීප්ගේ පි‍ටුව) is powered by Blogger - Template designed by Stramaxon - Best SEO Template