Monday, September 17, 2012

දුවේ නුඹ මගෙ ප්‍රාණයයි... කලා මංගල්‍යයක මතකය ඔස්සේ...

Posted by at 12:46 AM
ප්‍රදීප්ගේ පිටුව මෙච්චර කාලයක් වෙන් වෙලා තිබුනේ අධ්‍යාපනික කරුණු වලට. ඒ නිසා අත්දැකීම්, රසවිපු දේවල්, මතකයන් සහ කලාව ගැන ලියවුනේ මුහුණු පොතේ. පස්සෙ කාලෙක කලාව වෙනුවෙන් ප්‍රදීප්ගේ පිටුවේ යම් ඉඩක් වෙන් කරන්න අවශ්‍යයි කියලා හිතුනේ "" ප්‍රසංගය නරඹපු දවසේ. ඒ ගැන ලියන්න අවස්ථාවක් තවම ලැබුනේ නෑ. මේ සටහනට ආසන්නම හේතුව තමයි මීට අවුරුදු 3 -4 කට කලින් නරඹපු ප්‍රසංගයක වීඩියෝ පිටපත නැවත වතාවක් නැරඹීම.

මට මතක විදියට ඒ 2008 අවුරුද්දේ කොළඹ ජාත්‍යන්තර පොත් ප්‍රදර්ශනය. ගමෙන් කොළඹට සංක්‍රමණය වෙලා ගත වෙලා තිබුනේ අවුරුද්දක විතර කාලයක්. එතකොට අපි උසස් අධ්‍යාපනය ලබන ශිෂ්‍යයෝ. පොත් ප්‍රදර්ශනය පැවැත්වෙන හැම දවසකම හැන්දෑවට මොකක් හෝ ප්‍රසංගයක් සංවිධානය කරලා තිබුනා. (පොත් ප්‍රදර්ශනය ගැන ලියවෙන එක පෝස්ට් එකකවත් සහන් නොවුනට මම දන්න කාලෙ ඉලා මේ දක්වාම ඒ සම්ප්‍රදාය ක්‍රියාත්මක වෙනවා) අපි පොත් ප්‍රදර්ශනය බලන්න යන මූලික හේතුව තමයි මේ ප්‍රසංගය. දෙවනුව තමයි පොත් බලන්නේ.

මේ කියන දවසේ ප්‍රසංගය නම් කරලා තිබුනේ "දුවේ නුඹ මගෙ ප්‍රාණයයි - බණ්ඩාර ඇහැලියගොඩ ගී මියැසි රූ සරණිය" කියන නමින්. බණ්ඩාරනායක සම්මන්න්‍රණ ශාලාව ඉදිරියේ තියෙන පොකුණ උඩ ලස්සන වේදිකාවක් නිර්මාණය කරලා තිබුනා. 

නුහුරු හැුම් අවදි වෙමින් -  සොුරු යුගය ඇරඹිලා..
සසර පුරා පැතුම විලස - අපට අපම හමු වෙලා...

ආරම්භක සටහනත් සමග ප්‍රසංගය ආරම්භ වුනා. සෑම වයස් කාණ්ඩයක්ම ආමන්ත්‍රණය කරන බණ්ඩාර ඇහැලියගොඩ ගී පද රචනා 16ක් පුරා පැය දෙකක් තිස්සේ වේදිකාව මත නිර්මාණය වුනා. අද දවසේ අරමුණ මේ ප්‍රසංගය වර්ණනා කිරීම නොවෙයි. ප්‍රසංගයේදි ගායනා වුනු ගීත වලින් බොහොමයක් අපිට නිතර නොඇසෙන අර්ථවත් ගීත. මේ සටහන ලියවෙන්නේ ඒ ගීත වලින් කිහිපයක් වෙනුවෙන්. මේ ගීත වල අර්ථය වර්තමාන සමාජයට කෙතරම් ගැලපේදැයි බලන්න.

පළමු ගීතය ගස් වලට අරක්ගත් යක්ෂයන් මිනිස් යක්ෂයන්ට පැරදුනු ප්‍රවෘත්තිය පිළිබවයි. මහා රූස්ස ගස් යක්ෂ බන්ධනයෙන් හෝ රැකී තිබුනි. යකුන් පිළිබඳ මිත්‍යාව හෝ ආකල්පය සමාජයෙන් ඈත් වන්නට වූ දින බැලූ බැල්මට අතරමං වූයේ නෙපෙනෙන යකුන්ය. එහෙත් සැබෑවටම විනාශ වී, ගිනි වැදී, දැවී යන්නේ කළ ගුණ නොදත් මිනිසුන්ම නොවේද?

යක්කු:
විමානයෙන් බැස හනිකා
විළ පුළුටු රැගෙන කකා
ගොම්මන් සමයමේ ඇවිත්
හොල්මන් කරවයි නොයෙකා
අපට කියන නමයි යකා...//
ළමයින්:
ඇසුත් රතුයි දතුත් ඇදයි
කෙසුත් දිගයි බඩත් ලොකුයි
මටත් බයයි මටත් බයයි
දුවමු දුවමු අපි අල්ලයි//
යක්කු:
නපුරු මුහුණ ගැන නොතකා
එබී බලන් හිත මෙළෙකා
මතුපිට පෙනුමට බිය වී
පුතේ දුවේ දුවනු එපා
අතවර නොම වෙයි නිසැකා//
ළමයින්:
කතාව නම් හො පාටයි
නපුරු කමක් නැතුවා වගෙයි
පෙනුමෙන් බියකරු වුනාට
මේ අය හරි අහිංසකයි
මිනිසුන්ටත් වැඩිය අපට
ආදරේද කියා සිතෙයි//
යක්කු:
යදමින් බැගෙන වැඩපල අරගෙන
ගුණ යහපත්කම් කිසි විට නොතකන
මල් වැනි දරුවන් රවටන වනසන
පොඩිවුන් තනි කොට වස බී මියැදෙන
යක්කුන්ටත් නැති අවගුණ පතුරන
අපටත් ලැජ්ජයි මහ මිනිසුන් ගැන
ළමයින්:
රූස්ස ගස් වල නැගගෙන
විමානයන් ඉදි කරගෙන
ඉන්නට හැකි කම තියෙද්දි
ඇයි මේ මහ මග තැන තැන
යක්කු:
මහගස් කපලා ගල්කුළු උදුරා
කැලෑ කපා ගිනි තියලා වනසා
උන්හිටිතැන් අපටත් නැති කෙරුවේ
මිනිසාමයි හු කාලෙක ඉලා
කාට කියන්නද සිදුවුන වියසන
යන එන මං නැති අපි දැන් තැන තැන
දෙපිරිසම:
නපුරු නමට කුහක කමට මුල් තැන දෙන්නේ
තමන් ගැනම මිස අන් අය ගැන නොසිතන්නේ
හිතින් වියරු ගතින් රුදුරු මහ මිනිසුන්නේ
සුළක්වත් නැති ලොවකුයි අපට වටින්නේ

සංගීතය - රෝහණ වීරසිංහ
ගායනය -  කලාභූමී ගායන වෘන්දය

ගීතය අන්තර්ජාලයේ හොයාගන්න බැරිවුනා. අවස්ථාවක් ලැබුනොත් හොයාගෙන අහලා බලන්න.

මීල ගීතය අක්කා කෙනෙක් නංගීට දෙන උපදෙසක්. අක්කා මුහුණ දුන් අත්දැකීම නංගීට අත් නොවිය යුතු බවයි අක්කාගේ අදහස. "මග හොඳට තිබේ නම් දෑසත් හොඳට පෙනේ නම් - උඹ පරිස්සමින් පය තියපං බැදි වල නොගිහිං"



නංගියේ මොකද - ගොම්මනේ මිදුල මැද
හිනා වෙවී තනියෙන්...
වැඩ ඇරී ගෙදර -  ආ වෙලේ ඉන් නුඹ
කියන්න බැරි සතුටින්...//

මල්කුමාරයෙක් ඉස්සර මා ගාවට ආවයි
නුඹ වගේ මමත් හිනා වෙවී සතුටින් හිටියයි
දූ සිිත්තියක් හෙමින් සැරේ දෝතට වැඩියයි
මල් හිනා නැගූ ඇස් වල උණු කුලැලි පිරුණයි

මග තොටේ ඉන් මිනිස් වෙසින් විත් වග වළසුන්
ළංවෙලා කතා කරයි කියා නැති නෑදෑ කම්
මග හොට තිබේ නම් දෑසත් හොට පෙනේ නම්
උඹ පරිස්සමින් පය තියපං බැදි වල නොගිහිං

සංගීතය - රෝහණ වීරසිංහ
ගායනය - දීපිකා ප්‍රියදර්ශනී පීරිස්
ගීතය මෙතනින්බා ගන්න.



මේ ගීතය රූකඩ ගැන. රූකඩ දිහා බලලා අපි සතුටු වෙනවා, විනෝද වෙනවා. බණ්ඩාර ඇහැලියගොඩයන්ගේ එක් රූකඩ ගීයක මේ විදියට කියවෙනවා. "ලොකු මහතුන් නිල බල ඇති -  අද පොඩි මිනිසුන් නටවති... ලොකු රටවල් විලි බිය නැතී - අනෙ පොඩි රටවල් නටවන සැටී.." මේ අපේ කතාව නොවේද?

අම්බලන්ගොඩ සිට - ගම් දනව් වල රට තොට
ඇවිද ගිය නැටුමට - මෙන්න රූකඩ ඒය සබයට
නන්නානේ නානන නන්න්නේ නානන නන්න්නේ නානන නන්නානේ නා//

දන්න ලෙසට නට නට සව්දං - අපි
යන්න ගියේ රටවට සතුටින්
බින්න නොවෙයි පවසන මෙවදන් - අහ
ගන්න ඉතින් මහතු සවනින්

ගමෙන් ගමට පිය මැන ගොසින් - අපි
නැටුම් නැටුව මුත් සන්තොසින්
අපෙන් නැටුම උදුරා අරන් - අද
නටන්නෙ අපි නොව වෙන එවුන්

ලොකු මහතුන් නිල බල ඇති - අද
පොඩි මිනිසුන් ටික නටවතී
ලොකු රටවල් විලි බිය නැතී - අනෙ
පොඩි රටවල් නටවන සැටී

නූල් සූත්තර මිස අනේ - අද
දකින්න කිසිවක් නැති වුනේ
කාට කියන්නද වියසනේ - අපි
පාරට වැටුනයි දෙවියනේ

නටවන නැටවෙන අය අතින් - අපි
අසරණ ලෙස කොන් වී ගිහින්
අනේ අපේ දුක දැක නෙතින් - රැක
දුනොත් යෙහෙකි රූකඩ නැටුම්...

සංගීතය - රෝහණ වීරසිංහ
ගායනය - කලාභූමි ගායන වෘන්දය
මේ ගීතයත් හොයාගන්න ලැබුනේ නෑ.

වාසනාව හැම විටම ඇත්තේ කාර්යක්ෂම මිනිසුන් ළයැයි කියමනක් තිබේ. ඒ කියමනෙන් කියවෙන්නේ අපේ තාත්තලා ගැනද? වන්නි වන පෙතේ තාත්තලා ගැනද? ඔවුන්ගේ පුතුන්ගේ තත්වය කෙසේද?

වන්නි වන පෙතේ ගම් දනවු පුරා - නිවහන
වංකගිරි වනේ වෙසතුරු සදිසි පියවරුන්
අත්මුදුන් තබා බැතියෙන් වන්දනා කරම්//

කන්ට බෑ කියා - තනිවම
එන්ට යැයි කියා - ගමටම
බත් බුලත් නිතර දන්දුන් පියවරුන් වෙතින්
ජාත වී ඇතත් - පූරුවෙ
කරන ලද පවක් - පලදී
බින්න බැස සිටිති නගරය අසළ දූ පුතුන්

කල්ප කාලයක් - පරපුර
දුන්න දන් ඇතත් - සිතතුල
මාසෙකට වරක් ලැබෙනුයෙ සොච්චමක් බැවින්
කන්ට ගත් ගමන් - බත්පත
කවුරුවත් එතැයි - බිය වැද
දොර ජනෙල් වසා තනියම බුදිති බෝ දුකින්.

සංගීතය - රෝහණ වීරසිංහ
ගායනය - සුනිල් එදිරිසිංහ
ගීතය මෙතනින් බලන්න.



මේ අළුත් උත්සාහයේ පළමු පියවර මෙතනින් අවසන් වෙනවා. හො නරක, ඔබේ අදහස් පහලින් ලියලා යන්න. කලාව ගැන ලියන්න ගත්තා කියලා අධ්‍යාපනික කරුණු ගැන ලියන එක නවත්වන්නෙ නෑ කියන එකත් මතක් කරන්න ඕන. බ්ලොග් අවකාශයේ මිතුරෝ සමාජ සත්කාරවැඩසටහනට මේ මාසෙ 23 වෙනිදා දක්වා පොත් බාරදෙන්න පුළුවන්. පොත් බාරදෙන්න අදහස් කරන අය අපට කතා කරන්න. මීලගට ලියන්න බලාපොරොත්තු වෙන්නෙ සැකය ගැන. එහෙනම් ගිහින් එන්නම්.

Friday, September 14, 2012

මානසික රෝග කියන්නෙ මොනවද?

Posted by at 12:36 AM
මානසික රෝග මීට කාලෙකට ඉස්සර හැින්නුවේ "පිස්සු" (Lunatic) කියන නමින්. එහෙම හඳුන්වන්න හේතු වුනේ පූර්ණ චන්ද්‍රයා සහ මානසික රෝග අතර සම්බන්ධයක් තියෙනවා කියන විශ්වාසය නිසා. (Luna කියන්නෙ හඳට) නමුත් පස්සෙ කාලෙකදි මේ නම වෙනස් වුනා. මානසික රෝග වලින් පෙළෙන්නන් "පිස්සන්" වෙනුවට "මානසික රෝගීන්" විදියට හඳුන්වන්න පටන්ගත්තා. "පිස්සන් කොටුව"(Lunatic Asylum) "මානසික රෝහල" බවට පත් වුනා. නමුත් තවමත් අපි මානසික රෝගීන් හඳුන්වන්නේ "පිස්සා" කියලයි. මානසික රෝග කියන්නෙ මොනවද? ඒවා හැදෙන්නෙ කොහොමද? ඒවාට ප්‍රතිකාර කරන්නෙ කොහොමද? කියන දේවල් ගැන පොඩි විමසීමක් කරන්නයි සූදානම් වෙන්නේ. 



මානසික රෝගයක් හඳුන්වන්න පුළුවන් කරුණු 4කින්.

1.     Disorder of the brain - මොළයේ ඇති වෙන අක්‍රමතාවයක්
ඒ කියන්නේ මොළය කියන අවයවයේ ඇති වන රසායනික හෝ භෞතික අසමතුලිතතාවයක් කියන එක. හරියට කිව්වොත් හෘදයාබාධ කියන්නේ හදවතේ ඇතිවන රෝගයක් වගේ මානසික රෝග කියන්නේ මොළය ආශ්‍රිතව ඇති වෙන රෝගයක්.



2.     Changes in thoughts, emotions & perceptions - සිතුවිලි, හැීම් සහ සංජානනමය වෙනස්කම් ඇති වීම.
මොළය කියන්නෙ අපේ සිතුවිලි, හැීම් වගේ දේවල් පිළිබ කටයුතු කරන අවයවය නිසා මොළය රෝගී වුනාම අපි හිතන පතන විදිය, අපිට දැනෙන දුක, සතුට, ආදරය, බිය වගේ හැීම්, අපි අහන දකින දේවල් තේරුම් ගන්න විදිය වගේ මොළයෙන් කරන කාර්යයන් වල වෙනස්කම් ඇති වෙනවා. 



3.     Abnormal behavior - හැසිරීමේ වෙනස්කම් ඇතිවීම.
මානසික ගැටළුවකින් පෙළෙන කෙනෙක් සිතන පතන විදිය, හැීම් දැනෙන විදිය වෙනස් වුනාම එයා හැසිරෙන විදිය වෙනස් වෙනවා.



4.     Impairment of functioning / personal distress - එදිනෙදා වැඩ අතපසු වීම, අපහසුවකින් පෙළිම.

 මේ විදියට හැසිරීම වෙනස් වුනාම එදිනෙදා කටයුතු කරගන්න අපහසු වෙනවා. මානසික අපහසුකාරී තත්වයක් ඇති වෙනවා.මේ කරුණු දැකගන්න පුළුවන් කෙනෙක් අපි මානසික රෝගයකින් පෙළෙන කෙනෙක් කියලා හුන්වනවා.

ලෝකයේ මේ විදියේ ලක්ෂණ පෙන්වන, ඒ කියන්නේ මානසික රෝග වලින් පෙළෙන අය මිලියන 450ක් ඉන්නවා. එයින් මිලියන 150ක්ම පෙළෙන්නේ විශාදය කියන සුලබ මානසික රෝගයෙන්. මිලියන 50ක් අපස්මාරය සහ මිලියන 24ක් භින්නෝන්මාදය කියන රෝග වලින් පෙළෙනවා. දළ වශයෙන් ගත්තොත් සෑම පවුල් හතරකින් එකකම මානසික රෝගයකින් පීඩා විින සාමාජිකයෙන් ඉන්නවා.

අපි දන්නවා මානසික රෝග සහ සියදිවි නසාගැනීම අතර සම්බන්ධයක් තියෙනවා කියලා. සෑම වසරකම මානසික රෝග නිසා මිලියන එකක ජනතාවක් සිය දිවි නසාගන්නවා. ඒ වගේ දස ගුණයත් විසි ගුණයත් අතර පිරිසක් සියදිවි නසාගන්න උත්සාහ කරනවා.

මානසික රෝග හැදෙන්නෙ කොහොමද?

මානසික රෝග ඇති වෙන්නේ මොළයේ පවතින රසායනික සමතුලිතතාවය බිවැටීම නිසා. අපේ ස්නායු පද්ධතියේ නියුරෝන අතර පණිවුඩ හුවමාරුව සිද්ධ වෙන්නේ රසායනික ද්‍රව්‍ය භාවිතයෙන්. මේ එක් එක් රසායන ද්‍රව්‍යය මොළයේ තිබිය යුතු මට්ටමක් පවතිනවා. ඒ මට්ටම අඩු හෝ වැඩිවීම නිසා මානසික රෝග ඇතිවෙනවා කියන එකයි දෙන්න පුළුවන් සරළම පිළිතුර. අපි පරිගණක ඇසුරින් මේ කතාව පැහැදිලි කලොත් මොළය හරියට අපේ ප්‍රොසෙසර් එක වගේ. ඒකෙ සිද්ධවෙන ක්‍රියාකාරකම් වෙන්න නිශ්චිත විදුලි බලයක් අවශ්‍යයි. මෙතනදි වෙන්නෙ ඒ විදුලි බලය අඩු හෝ වැඩි වෙන එක. එතකොට ප්‍රොසෙසර් එක හරියට ක්‍රියා කරන්නෙ නෑ.



මානසික රෝග ඇතිවීමට බලපාන සාධක මොනවද?

විවිධ සාධක තියෙනවා. ඒවා වර්ග තුනකට බෙදන්න පුළුවන්. ඒ තමයි රෝගය ඇතිවීමේ අවදානම වැඩි කරන සාධක, රෝගය ඇති කරන සාධක සහ රෝගය පවත්වාගෙන යන සාධක.

රෝගය ඇති වීමේ  අවදානම වැඩි කරන සාධක.
මෙම සාධක වලට නිරාවරණය වුනු කෙනෙක්ට ජීවිතයේ කුමන හෝ අවස්ථාවක මානසික රෝගයක් වැළිමේ අවදානමක් තිබෙනවා. මේ සාධක නොමැතිව වුනත් කෙනෙකුට මානසික රෝගයක් ඇති වෙන්න පුළුවන්. මෙතන සාකච්ඡා කරලා තියෙන්නෙ සුලබ දේවල්.


  • ජානමය ලක්ෂණ - මානසික රෝග පරම්පරාවෙන් පරම්පරාවට ඇති වීමේ වැඩි අවදානමක් තියෙනවා.
  • ගර්භාෂයේ පරිසර තත්වය - දරුවා ගර්භාෂයේ සිටින කාලය තුල කළලය මුහුණ දෙන පරිසරය මානසික රෝග සහා බලපෑමක් ඇති කරනවා.
  • උපතේදී සිදුවන අනතුරු - මොළයට ලැබෙන ඔක්සිජන් ප්‍රමාණය අඩුවීම, කායික අනතුරු ආදිය.
  • දරුවා සංවර්ධනය වන අවධියේ මුහුණ දෙන මනෝ- සමාජයීය තත්වයන්


රෝගය ඇතිකරන සාධක

රෝගය ඇති වීමේ අවදානමක් සහිත පුද්ගලයෙක් මේ සාධක වලට නිරාවරණය වුනොත් ඔහුට/ ඇයට රෝගය ඇති වෙන්න පුළුවන්. අවදානම වැඩි කරන සාධක වලට මුහුණ නොදුන් කෙනෙකුට වුනත් මානසික රෝග ඇති වෙන්න මේ හේතු බලපාන්න පුළුවන්. 


  • කායික රෝග වලින් පෙලීම
  • මත්ද්‍රව්‍ය සහ බෙහෙත්
  • මානසික ආතතිය
  • සමාජමය වෙනස්කම්

ඒ වගේම රෝගය සුව නොවී දිර්ඝ කාලීනව පවතින්න හේතු වෙන කරුණු දෙකක් තියෙනවා.

  • Intrinsic to the disorder - රෝගයේම ලක්ෂණයක් විදියට. - ඇතැම් රෝග සුව කළ නොහැකි රෝග විදියට හුන්වනවා. එවැනි රෝගයක් දීර්ඝ කාලීනව පවතින්න පුළුවන්.
  • Social circumstances - සමාජ වාතාවරණය - රෝගියා මුහුණ දෙන සමාජමය ගැටළු නිසා රෝගය සුව නොවී පවතින්න පුළුවන්.



ලංකාවේ මානසික රෝග වලින් පෙළෙන්නන්ගේ සංඛ්‍යාව වැඩි වීමට විවිධ හේතු බලපානවා.

  • ජනගහනය වර්ධනය වීම
  • දීර්ඝ කාලයක් තිස්සේ පැවති යුද්ධය
  • සංක්‍රමණ - අවතැන් වීම
  • මත්ද්‍රව්‍ය භාවිතය ඉහල යාම
  • මානසික ආතතියට ගොදුරු වීම



මෙවැනි හේතු නිසා රටේ වැඩ කළ හැකි ජනතාව මානසික රෝග වලට ගොදුරු වීම රටේ සංවර්ධනයට විශාල බලපෑමක් ඇති කරනවා. මේ බලපෑම පුද්ගලයාට, පවුලට සහ සමාජයට වන බලපෑම විදියට වර්ග කරන්න පුළුවන්.

පුද්ගලයාට වන බලපෑම

  • මානසික අපහසුකාරී බව
  • වැඩ කිරීමේ හැකියාව අඩු වීම
  • කායික රෝග වැළඳීමේ අවදානම වැඩි වීම
  • සියදිවි නසාගැනීමේ අවදානම වැඩි වීම
  • එදිනෙදා ජීවිතයේ කටයුතු වලට බාධාවක් වීම
  • සමාජ අපවාදයට ලක්වීම
  • පවුල සහ සමාජය විසින් කොන් කිරීම

පවුලට වන බලපෑම

  • අසරණ බවට පත්වීම
  • බලාපොරොත්තු විරහිත තත්වයට පත් වීම
  • රෝගියා කෙරෙහි ඇතිවන බිය සහ අකමැත්ත
  • රෝගී බව පිලිනොගැනීම
  • කොන්කිරීමට සහ සමාජ අපවාදයට ලක්වීම

සමාජයට වන බලපෑම

  • ආර්ථික වශයෙන් ඖෂධ සහා වියදමක් දැරීමට සිදු වීම සහ රෝගියාගේ ඉපයීමේ හැකියාව අඩු වීම නිසා වන පාඩුව
  • සමාජ අපවාදය
  • රෝගීන් කොන් කිරීම

මානසික රෝග සහ දුප්පත්කම අතර ලොකු සම්බන්ධතාවයක් තියෙනවා.



මානසික රෝග වල බලපෑම වැඩි වීමට බලපාන හේතු කිහිපයක් තිබෙනවා

  • රෝගය හුනාගැනීමට කල් ගත වීම
  • ප්‍රතිකාර සහා යොමු වීමට කල් ගත වීම
  • සමාජ අපවාදය සහ කොන් කිරීම
  • වැරදි විශ්වාස සහ වැරදි ආකල්ප



මානසික රෝග කලින් හුනාගැනීමෙන් සහ නිසි ප්‍රතිකාර වෙත ඉක්මනින් යොමු වීමෙන් මානසික රෝග වල බලපෑම අඩු කරගන්නත්, සුවය ඉක්මන් කරගන්නත් පුළුවන්. ආයෙ ලිපියකින් මානසික රෝග සහා ඇති ප්‍රතිකාර ගැන කතා කරමු. යන්න කලින් මතක් කරන්න ඕන බ්ලොග් අවකාශයේ මිතුරෝ සමාජ සත්කාර වැඩසටහනට මේ මාසෙ 23 වෙනිදා දක්වා පොත් භාර දෙන්න පුළුවන් කියන කාරණය.ප්‍රදීප්ගේ පිටුවෙ දීර්ඝම ලිපිය තමයි මේ. එහෙනම් ගිහින් එන්නම්. ජය..!
© Pradeep's page (ප්‍රදීප්ගේ පි‍ටුව) is powered by Blogger - Template designed by Stramaxon - Best SEO Template